जातलाई राज्य भनेको होइन जातिलाई राज्य भनेको हो । जात भनेको हिन्दु बर्णाक्रम अनुसारको चार जात हो ब्राह्मण, क्षेत्रि, बैश्य, शुद्र जबकि जाति भनेको भाषा, संस्कृति, धर्म, भूगोल ( क्षेत्र ), इतिहास मध्ये कुनै एक वा एक भन्दा बढि साझा भएका मानव समाज वा समुदाय बुझिन्छ । विकसित जातिले कुनै कुनै बेला राष्ट्रियता पनि बुझाऊन्छ । जस्तै नेवार जाति मात्रै नभै ऐतिहासिक राष्ट्रियता पनि हो । हाम्रो देशमा नेवार जस्तै अरु पनि ऐतिहासिक राष्ट्रियताहरु छन । यो जात कदापी होइन । पहिला नेवार हो पहिला नेपाली हो भन्ने कुरा कुखुराको चल्ला पहिला जन्मेको कि कुखुराको फुल पहिला जन्मेको भने जस्तै मात्रै हो । नेपाली पनि पहिचान हो नेवार पनि पहिचान हो । नेपाली बृहत पहिचान हो बिदेशिको लागि भने नेवार भनेको बिस्तारित पहिचान हो । अर्को शब्दमा भन्ने हो भने नेपाली राष्ट्रियता हो अनि नेवार जातियता हो । राष्ट्रियता रुख हो भने जातियता जरा हो । अव रुख पहिला कि जरा पहिला भन्ने प्रश्न नै हास्यासपद भएको जस्तै म पहिला नेपाली अनि नेवार भन्नु पनि हास्यासपद नै हुन आऊँछ । कुनै पनि जातिले अर्को जातिलाई लखेत्ने खेदाउने भन्ने कुराहरु गरेका छैनन । यो भ्रम संघियता नराम्रो भनेर देखाउन फैलाइएको हो ।