.ईश्वर, भगवान, धर्म, कानून संग संम्बन्धित मेरो बिचार

एउटा बहसबाट उद्धृत अंश....ईश्वर, भगवान, धर्म, कानून संग संम्बन्धित मेरो बिचार 

भगवान र ईश्वर भनेको एउटै होइनन । यो शब्दमा धेरैलाइ भ्रम छ । यो प्रश्न यो अर्थमा गलत छ, यसले भगवानको बारेमा छ वा छैन भन्ने कुरा गरेको छ, हुन सक्छ, ईश्वरको अस्तित्वको बारेमा कुरा उठाएको पो हो कि ।

भगवान भनेको शब्द बिश्वमा महा-मानव जो साधारण मानव भन्दा धेरै माथिको स्तरमा पुगेको, मानव समाजको लागि धेरै ठुलो योगदान पु-याएको

, मार्गदर्शन गरेका ब्यक्तित्वहरु हुन । कसै कसैले यो अवस्थालाई "सिद्ध" वा इनलाइटमेन्ट अवस्था पनि भनिन्छ । यस्ता ब्यक्तित्वहरु संसारमा धेरै छन । उनिहरु जन्मेका छन, उनिहरुको मृत्यु भएको पनि छ ।

अव ईश्वरको कुरा गर्ने हो भने यसलाई शक्ति वा महा-शक्ति भनिन्छ, यो उर्जा हो । बिज्ञानले उर्जाको न जन्म हुन्छ, न त मृत्यु हुन्छ भन्छ, उ त मात्र एक वाट अर्को प्रकारको उर्जामा परिणत हुन्छ र नियमित प्रकृया हो । धेरै अझै मानिसको पहुँच भन्दा बाहिर छ । ईश्वरको लीला भनिन्छ ।
यस अर्थमा ईश्वरको अस्तित्व छ, यसलाइ बुझ्न नसक्नु नै दुर्भाग्य हो |

सामाजिक चेतनाको विकास नभएको वेलामा परापूर्वकालमा कानून नभएको अवस्थामा धर्मलाई कानूनको रुपमा प्रयोग गरिने, यसको आवश्यकता र उत्पत्ति पनि नियम कानूनको परिपूर्तिको रुपमा भएको भन्ने कुरालाइ अस्वीकार गर्ने ठाऊँ छैन । कानूनले अपराध, गल्ति गर्नेलाई दण्ड सजाय पनि तोकेको हुन्छ भने धर्मले गलत के हो ठिक के हो भन्ने आत्म-बोध, ज्ञान गराउने माध्यम हो । दण्ड सजाय दिन नसके पनि एउटा शक्ति छ, त्यसले दण्ड सजाय दिन्छ भनिन्थ्यो । भौतिक रुपमा दण्ड सजाय दिने पछि धर्म गुरुहरुको बिचारको उपज भन्ने मेरो सोच छ । धर्मको नाममा टाठा बाठाहरुले फाइदा लिएको कुरा शत-प्रतिशत सहि हो । कानून बने पनि धर्म भन्ने कुराको औचित्य पूर्ण रुपमा नष्ट भएको भन्ने कुरामा म सहमत छैन ।