"देश" भनेको स्वतन्त्र सार्वभौम सत्ता भएको भूगोल हो यानिकि यसले ठाऊँलाई जनाऊँछ, भूगोल बिना देश हुन्दैन । यो शब्द विशेष गरेर भावना भन्दा भूगोल संग जडित हुन्छ । "राष्ट्र" - "जातीय" र "नागरिक" राष्ट्रवाद दुवैलाई बुझाउन यो शब्दको प्रयोग हुने गरेको छ । "राष्ट्र" भनेको माटो संग आफ्नोपनको भावना संग जडित शब्द हो, यसको लागि भूगोल हुनु नै पर्छ भन्न छैन, भूगोल साथमा हुनपनि सक्छ, नहुन पनि सक्छ । एउटा एउटा जाति पनि एउटा एउटा राष्ट्र हुन सक्छ, जातिय राष्ट्रवादको रुपमा । बिभिन्न जातिहरु (राष्ट्रहरु)मिलेर ठूलो पूर्ण राष्ट्र बन्छ, जसलाई राष्ट्र नै भन्ने गरिन्छ नागरिक राष्ट्रवादको रुपमा । "राज्य" भनेको राष्ट्र वा देश वा प्रान्त वा प्रदेशलाई जनाऊँछ तर यो शब्द शक्ति, सत्ता र शासन संग पनि जडित हुन्छ । भूगोल बिना यो संभव छैन । "राष्ट्र-राज्य" भनेको कुनै जातिको देश भएमा भनिन्छ । कुनैबेला ईजराइलले पूर्ण कब्जा गरेको बेलामा पेलेस्ताईनहरुको भूगोल नभएकोले देश छैन तर आफ्नो माटो प्रति भावात्मक जोडाई भएकोले राष्ट्र छ भनिन्थ्यो ।