राज्यको माग र निर्माण ऐतिहासिक पृष्ठभूमीमा आधारित छ । विभिन्न जात जातिहरुको एउटै साझा पनि हुन्छन । उदाहरणको लागि नेवार भाषा नेवारहरुको साझा पहिचान हो काठमाडौं र वरिपरिका क्षेत्र ऐतिहासिक साझा पहिचान हो । नेवार भित्र अलग अलग धेरै जात-जाति, धर्म र संस्कृतिहरु छन । फेरि सबै जात-जातिहरुले कहिले राज्यको माग गरेको छैन । यदि राज्यले उनिहरुको सम्मानजनक समाबेशी गर्न नसकेको अवस्थामा राज्यको माग नहोला भन्न सकिन्न । अहिलेको प्रस्तावित र राज्यको घोषणा पत्रहरुमा घाम जसतो छर्लङ हुने गरिकन स्थानीय स्वशासित क्षेत्र, इलाका अनि आरक्षणको व्यवस्था गरि यो मुद्दाहरुको संवोधन गर्ने छ । एउटा विभेदमा पारिएका कम्जोर र अर्को विभेद गरिगरि बलियो भएको बिचमा स्वतन्त्र प्रतिस्पर्धा कसरि हुन सक्छ । मुलधारको कुरामा संघियतावाट पनि राष्ट्रिय मुलधारमा नै जाने हो । किनकि जातियता भनेको जरारुपी राष्ट्रियताको एकाई हो भने राष्ट्रियता रुख रुपि यि एकाइ हरुको मिलन हो । कुनै पनि भौतिक बस्तु एउटा सिंगो हुन सक्दैन सबै एकाई एकाई मिलेर नै बनेका हुन्छन । त्यसरि राष्ट्रिय मूलधार, राष्ट्रियता पनि एकाई एकाई मिलेर नै बन्छ । संघियता कसरि भाग-बण्डा हुन सक्छ जबकि सबैले नेपाल र नेपालीको छातामुनि बस्ने कुरा स्वीकारेका छन ।