संघियतामा रक्षा मामिला, पर-राष्ट्र मामिला र मुद्रा मामिला केन्द्रिय सरकारको हुने भएपछि देश टुक्रिन्छ भन्नु आफैमा लङ्डो तर्क, लङ्डो जिद्दि मात्र हो, जुन पूर्ण रुपमा असत्य र भ्रम हो । हजारौं पटक, लाखौं पटक झुठो कुरालाई रट्दैमा सत्य हुने होइन । यो कुरा सबैले बुझेका छन । मानिसहरुको सामाजिक विकास क्रममा ढुङ्गे युगवाट कविला, जाति हुँदै अनि बिभिन्न जातिहरु मिलेर राष्ट्र बन्ने कुरा सामाजिक प्रकृयाको सिद्धान्तमा पाइन्छ र त्यस पछि आ-आफ्नो सिमाना तोडेर अन्तरराष्ट्रिय एउटै गाऊँ सम्म सोच्न पुग्छन । यो बिकास क्रम समय... र मानिसहरुमा हुने मानसिकता मनस्थिति एवं भावना संग संवन्धित छ । हाम्रो देशको अवस्था अहिले जातिय तहमा छ । त्यसैले कुनै पनि बिकसित मुलुक बिकसित मनस्थितिको कथा सुनेर त्यसको पछि लाग्नु त त्यहाँ पानि पर्दा नेपालमा छाता ओढ्नु हो । मानविय चेतनाले उ स्वावलम्वी, आत्म-सम्मान आफ्नो परिचयका साथ जिवन गुजार्न मन पराउने प्राणी हो । त्यसैले स्वावलम्वी हुनु, आत्म-सम्मान हुनु, आफ्नो परिचयका साथ बाच्न पाउनु उसको नैसर्गिक अधिकार हो । यो अधिकारको कुरालाई बङ्ग्याएर जातिय भन्नु उचित होइन