मानिसहरुको सामाजिक विकास क्रममा ढुङ्गे युगवाट गण, कविला, जाति हुँदै अनि बिभिन्न जातिहरु मिलेर प्रदेश, राष्ट्र बन्ने कुरा सामाजिक प्रकृयाको सिद्धान्तमा पाइन्छ र त्यस पछि आ-आफ्नो प्रदेश सिमाना तोडेर अनि देशको राष्ट्रिय सिमाना तोडेर अन्तरराष्ट्रिय एउटै गाऊँ सम्म सोच्न पुग्छन । यो बिकास क्रम समय... र मानिसहरुमा हुने मानसिकता मनस्थिति एवं भावना संग संवन्धित छ । हाम्रो देशको अवस्था अहिले जातिय तहमा छ । जब प्रादेशिक सिमाना तोडेर भावात्मक राष्ट्रिय एकता हुन्छ त्यो बेला जातिय भावना हुन्दैन । जव देशको सिमाना तोडेर भावात्मक अन्तरराष्ट्रिय एकता हुन्छ त्यो बेला राष्ट्रिय भावना पनि हुन्दैन । यो उच्च मनस्थिति हुन तव मात्रै संभव हुन्छ, जवकी यो अनुरोध गर्दैमा हुने, अनि इञ्जेकशन दिए जस्तो पनि संभव होइन । १. सवभन्दा पहिला एकल हालिमुहालि जाति भएको संस्कार र ब्यबस्था उन्मुलन हुनु पर्यो । बहुजातिय हालिमुहालि हुने अवस्था आउनु पर्यो । यसको लागि केहि समय लाग्न सक्ला । २.असमान धरातलमा टेकेर समानताको प्रयास गर्न थाल्यो भने यो टिक्दैन, यो भट्किन्छ/ढल्छ धरातललाई समानतामा ल्याउनु जरुरी पनि छ ।