Read Newa Rajya Declaration Paper.... Please read this ghosana patra

Read Newa Rajya Declaration Paper

Please read this ghosana patra


Name:Newa: Swayatta RajyaCategory:Geography - StatesDescription:Autonomous State of Newar CommunityPrivacy Type:Open: All content is public.

वंगु पोहेला थ्व: ९, ११३०; पुष ११, २०६६; December 26, 2009 सञ्चरबार खुनु येँया दशरथ रंगशालां नेवा: स्वायत्त राज्यया घोषणा जूगु दु। नेवा: स्वायत्त राज्य मंका: संघर्ष समितिया ग्वसालय् थीथी झिगू घटक लिसें स्वीछगू जातीय संघसंस्थां ऐक्यवद्धता प्वंकूगु ज्याझ्वलय् मध्यमाञ्चलया १२** गू जिल्ला दुथ्या:गु नेपालमण्डलयात हे मू आधार नाला: नेवा: स्वायत्त राज्य क्व:छीमा: धैगु माग या:गु ख:।

घोषणासभाया मुख्य अंश:१. नेवा: स्वायत्त राज्यया घोषणा लिसें घोषणा यायमा:गु कारणक. मौलिक ज्ञान, सीप, कलाया ल्याखं उन्नत, सम्पन्न व वैभवशाली समाज दुगु नेवा: जातीया ऐतिहासिक भूमिका, नेवा:तयगु राष्ट्रियता, स्वाधिनता, न्याय व स्वतन्त्रताया पक्षय् ता: इलंनिसें यानावयाच्वंगु संघर्ष व योगदानया सही मूल्यांकन मयासें मगा:गुलिं स्वायत्त राज्य घोषणा यायमा:गु ख. बिस्कं भाय् संस्कृति परम्परा व सामाजिक संरचना दुगु व आर्थिक व मेमेगु साधन स्रोतका आधारय् नं सम्भव जूगुलिं घोषणा यायमा:गु ग. आदिवासी अधिकारबारे विश्वव्यापी घोषनापत्रया मान्यता, अन्तर्राष्ट्रिय श्रम संगठनया महासन्धी ILO 169 पाखें आदिवासीतयगु थ:थ:गु ऐतिहासिक क्षेत्रया प्राकृतिक स्रोतय् अग्राधिकार सुनिश्चित यानात:गु आधारय् नं नेवा: स्वायत्त राज्य घोषणा जूगु घ. नेवा:तयगु आदिभूमिकथं च्वनावयाच्वंगु थाय् लिसें मेमेपिं आदिवासीतसिबें अप्व: दुगु फुक्क थाय् नेवा: स्वायत्त राज्य जुइगुङ. स्वायत्तता, स्वशासन, अग्राधिकार व आत्मनिर्णयया अधिकार छ्यला: नेवा: स्वायत्त राज्य संचालन यायदैगु संवैधानिक अधिकार ख:

२. नेवा: स्वायत्त राज्यया लागाक. लिच्छवीकालंनिसें अस्तित्वय् खनेदुगु नेवा: जुजुपिनिगु अधिनय् लानाच्वंगु नेपालमण्डलया ऐतिहासिक आधारय् हे नेवा: राज्यया लागा क्व:छीगु मुख्य आधार जुइख. थुगु लागाय् गैरनेवा:त नं दुगु जुया: गैरनेवा: आदिवासी समुदायया अधिकारया सम्मान यासें न्हापांनिसें इपिं अप्व: दुगु थासय् इमिगु हे अग्राधिकार दइ ग. नेवा:तयगु बाहुल्यता दुगु नगर, गाविस लिसें अनया ल: व जंगल थेंजा:गु प्राकृतिक स्रोतया फुक्क लागा नेवा: स्वायत्त राज्य दुने लाइगु

३. नेवा: ध्वाँय्:क. स्वरुप आयतकार जुइ। हाक: व ब्या: १: १.५ (1:1.5) अनुपातय् जुइ। ख. ह्यांगू भूमि, दथुइ च्याह: पलेह: दुगु मन्द: दुने म्हासुगु नगू वा तारा। नगूयात ह्याउँगु घेराय् दुने तयात:गु ग. ह्यांगू भूमि - ह्याउँ सिन्ह: व थीथी इलय् व:गु राजनीतिक परिवर्तनया प्रतीकघ. अष्टदल - म्हपुजा मन्द:, अष्टमातृका, अष्टांगिक मार्ग, अष्टमंगलया प्रतिकङ. म्हासुगु नगू - नेवा:त न्हू राजनीतिक शक्तिया प्रतिक, लुयावयाच्वंगु नगू थें उदीयमान शक्तिच. नगूपिनेया घेरा - नेवा:तय् दथुइया एकताया सूत्रया प्रतिक

४. भाषिक नीति: क. नेपालभाषायात सरकारी गैरसरकारी क्षेत्रय् लिखित व मौखिक अभिव्यक्तिया लागिं मूख्य माध्यमभाय् कथं छ्यलेगुख. नेपालभाषा साहित्य, वाङ्गमय व लिपिया बिकास, संरक्षण व सम्वर्द्धनया लागिं बिशेष नीति दयकेगुग. शिक्षण संस्थाय् शिक्षाया माध्यम नेपालभाषा जुइगु; पाठ्य सामग्री तयार जुइगुघ. स्कूलंनिसें हे अनिवार्यरूपं मस्तयत नेपालभाषा स्यनेगु ङ. प्रशासन व न्यायालय दुने नं प्रमुख भाय् कथं नेपालभाषा छ्यलेगुच. नेपालभासं थीथी छापा व आमसंचार संचालन जुइगु छ. गैरनेवा:तयगु भाय्यात नं सम्मान यासें वैकल्पिक रूपं मेमेगु भाय् नं छ्यलेदइगु

५. साँस्कृतिक नीतिक. राज्यकोषं नेवा: कला, संस्कृति, सम्पदा व परम्परायात म्वाकातयत ईकथं परिमार्जन यायत पहल जुइगुख. जात्रा पर्व मद्दिक न्ह्याकेत, दिनाच्वंगु गुथि नवीकरण यायगु, देग:, चिभा:, गुम्बा, फल्चा इलय् हे जिर्णोद्धार यायगु मूल आज्जुग. गैरनेवा: समुदायया धर्म, संस्कृति व परम्परायात मद्दिक न्ह्याकेत मा:कथंया वातावरण तयार यानाबीगु नेवा: राज्यया दायित्व जुइ घ. संस्कृति, धर्म, परम्परा व आस्थाया आधारय् गुगु नं गैरनेवा: समुदाययात बांमला:गु लिच्व: लाइकथंया ज्या नेवा: राज्यं गुबलें याइमखु

६. शिक्षा नीति:क. मांभासं अनिवार्य शिक्षा बीकेगुख. मांभासं हे ब्वनेगु सफू च्वय्गु व पिथनेगु ग. गांगामय् तकं मांभासं आख: ब्वने दय्क प्राथमिक तहया स्कूल दयकेगु व शहरी लागाय् म्होतिइ नं छगू क्याम्पस स्तरया शिक्षण संस्था चाय्केगुघ. त:मि व चीमितय् दथुइ शैक्षिक अवसर व स्तरय् व:गु बिभेदयात न्हंकेत राज्यं विशेष पहल याइगुक. ङ नेवा: राज्य दुने १० दँया दुने सुं नं नागरिक निरक्षर मजुइमा धैगु आज्जुं प्रौढशिक्षा न्यंकभनं न्ह्याकेगुङ. बेरोजगारी मदय्मा धका: शिक्षायात व्यवसायमूलक दय्केगु

७. आर्थिक नीति: क. राज्यकोषयात समृद्ध याना: सकल नागरिकतयत सामाजिक, साँस्कृतिक व आर्थिकरूपं सम्पन्न याना: फुक्ककथंया विभेद व शोषण मदय्केगु मू आज्जुख. कृषि क्षेत्रय् मा:कथं सुधार याना: वैज्ञानिक भूमिसुधारया नीति नालेगु व वैज्ञानिक भूउपयोग सम्बन्धि योजना दयका: नेवा: राज्य दुने ल्यं दनिगु जग्गा व खाली थासय् वातावरण व नेवा: साँस्कृतिक सम्पदा यात पायछि जुइ कथं छ्यलेगुग. नेवा: पूँजिपती व उद्योगपतीतयगु संरक्षण व सम्वर्द्धन यायगुघ. कृषियोग्य जमीनयात संरक्षण यायत विशेष पहल यायगुङ. समताया सिद्धान्तय् च्वना: वितरण प्रणाली व प्रगतीशील करया व्यवस्था याना: सामाजिक न्यायया लँय् राज्यया फुक्क ज्या संचालन जुइ

८. नेवा: दुने समावेशीकरण: क. नेवा: समुदाय दुने नं समानुपातिक व समावेशिकरणया विशेष नीति नालेगुख. ल्यूने लानाच्वंगु वर्गयात नीति दयकेगु थासय् आरक्षण, कोटाप्रणाली हयगुग. गुलिखे थासय् इमिगु लागिं सकारात्मक विभेद (positive discrimination)या नीति नालेगु

९. गैरनेवा: व अल्पसंख्यकतयगु अधिकार: क. नेवा: स्वायत्त राज्य आदिवासी नेवा:त लिसें थन च्वनाच्वंपिं गैरनेवा:तयगु नं मंका:सत्ता ख:। ख. नेतृत्व व प्रतिनिधित्वय् नेवा:तयगु अग्राधिकार व गैरनेवा:तयत फुक्ककथंया संवैधानिक कानूनी समान अधिकार सुनिश्चित जुइग. गुम्ह नं गैरनेवा:यात वयागु जाती, उत्पत्तीया स्रोत व धर्म सँस्कृतिया आधारय् गुगु नं कथंया विभेद व अन्यायपूर्ण व्यवहार नेवा: राज्यं याइमखु घ. जनसंख्याया आधारय् कम दुगु समुदाययात अल्पसंख्यकया अधिकार सुनिश्चित याना: मा:कथं संरक्षण याइगु जुइ